amanar t2
عدد المساهمات : 21 رتــبتي :
| موضوع: مهرجان اقا ..عفوا مونديال اقا الأربعاء 11 أغسطس 2010, 18:32 | |
| هاد ليام دايرة شي هدرة او التقليد على البركاك الي كالها لينا كاليك اسيدي شي جمعية من اقا كتستعد باش تنظم ف شهر نونبر القادم الدورة الثانية ديال مهرجان اقا واه..... او امتى كانت الدورة الاولى باش انظمو الثانية !!!!! ......العام الفايت ما كان والو!!!!!! اه عاد تفكرت واقيلا كانت شي دورة هادي ربع سنين !!!!! دخلنا عليكم بالله واش هدا مهرجان اولا مونديال ديال الكرة !!!! خاصهوم غير بقا اديرو القرعة كول ربع سنين انظمو دوار !!!!! حنا عارفين باللي الدورة الاولى غير سالات هوما اخرجو الناس اللي نظموها بواحد البيان كالو فيه باللي المهرجان مايقدرش استمر في ظل غياب المستشهرين و ضعف المزانية المخصصة من طرف وزارة التقافة لعمالة طاطا بشكل عام اوا اسيدي الشارع الاقاوي كال ما فيها مشكيل او مريضنا ماعندو باس. الصراحة انا هادالدريعة ديال الدعم ما بغاتش تدخل ليا الراس.!..علاش...!!!! كلشي عارف باللي اغلب المجموعات الموسيقية و فرق احواش اللي شاركات فهاد المهرجان شاركات بالمجان بمعنى ماعطاوهوم لريال لا جوج.الا حيدنا عشر ة الاف درهم اللي هي مليون سنتيم -باش افهم اللي باقي كيحسب بالسنتيم بحالي- كلنا الا حيدنا هاد مليون اللي عطاو لمجموعة امغران الباقي كلشي جا فابور. اوا كيفاش مليون هي المزانية المخصصة لمهرجان ديال بلدية قدها قداش.!.الظاهر ان ما خفي كان اعظم!!!! ولعل ما يثير الاستغراب هو ملي كنشوفو جماعات على قد الحال او تابعا لنفود هاد البلدية كتنجح باش تنظم المهرجان ديالها على احسن وجه و اخر هده الجماعات المتواضعة هي جماعة القصبة التي كان استقطابها لمجموعة نجوم طاطا كافيا لحضور جمهور كثيف و هو الدي يعتبر معيار نجاح اي مهرجان. كلنا نتدكر كيف نجحت جماعة ايت وابلي الفقيرة في السنة الماضية في تنظيم مهرجانها في دورته الاولى بحضور فنانين كبار في الساحة الامازيغية يتقدمهم الفنان محمد انظام بالاضافة الى عدة فرق قدمت من مدن كتزنيت و سيدي افني و كلميم واسافن....مع حضور ابرز الفرق المحلية كاقا سايس التي احيت احدى سهرات المهرجان مقابل مبلغ مريح عكس مهرجان اقا الدي غنت فيه بالمجان -اوا شوف نتا جماعة مخلصة الفرقة او بلدية هارفة عليهوم- و لعل الجميل في مهرجان ايت وابلي انه استطاع جلب مستشهرين ضخو في ميزانية الجماعة مبلغا كان كافيا لانجاح المهرجان و ابرز هولاءالمعلنين شركة coca cola و شركة عصير c bon بالاضافة الى شركة شاي البلار. السؤال الدي يطرح نفسه هو كيف تفشل بلدية اقا مع كثرة الجمعيات المنطوية تحت لوائها في تنظيم مهرجان يستمر ثلالثة ايام على ابعد تقدير فيما تنجح في دلك جماعات افقر منها و تابعة لنفودها. الاكيد ان الامر لا يتعلق بالجانب المادي بقدر ما يتعلق بالعقلية المكلفة بتسيير هدا المهرجان. انا شخصيا كيبقى فيا الحال ملي كنشوف دراري ديال لكناتة -على سبيل المثال- موجدين ريوسهوم اوكايقلبو على الطرونسبور ملي تسولهوم فين غاديين كايجاوبوك غاديين لمهرجان فم الحصن كاينين فيه اودادن اولا مهرجان تمنارت فيه ازنزارن..اوا كيفاش هاد اقا ماعليهاش الله!!!!! انا شخصيا عاوتاني عندي واحد الفكرة هائلة غانطرحها على المسؤولين باش انظمو لينا هاد المهرجان المستعصي في ظل غياب الدعم المالي اسيدي حنا نجيبوا ليكوم اللي انشط هاد المهرجان!..كيفاش!!!!! اوا اسيدي مجموعة البروج على حسابي انا. مجموعة اقا سايس على حساب السي ايور راه فايت ليه جابهوم لعرس خوه العيد لكبير. فرق احواش ضربوها على حساب الصحافي الفاشل السي اوتشي. الفقرات الثقافيةعلى حساب السي انفال راه مجاز او عارف اش كايدير. الا بغيتو شي دوري ديال الكرة حتى هوا حنا مستعدين نسلفوكوم الخبير ديالنا فالكرة سي افوس. نتوما عطيون غير الرخصة. اوا اش بغيتو كثر من هادا!!!!!! ونتوما كونو تحشمو او نوضو ديرو للناس شي مهرجان فين افشو قلوبهوم مساكن راها طابت بالمشاكل وكما يقال ادا لم تستحيي فافعل ما شئت. بقلم الصحافي الاقاوي الفاشل امنااااااااااااااااااااااااااااااااااااااااااااااا اااااااااااااار | |
|
ابو خالد الوسام الفضي
عدد المساهمات : 757 رتــبتي :
| موضوع: رد: مهرجان اقا ..عفوا مونديال اقا الخميس 12 أغسطس 2010, 03:12 | |
| الشكر ممدود إليك أمنار أولا إن كنت تتحدث عن ما نظمته البلدية لم يكن مهرجانا بل تنشيط ثقافي موازي لموسم الأولياء الثلاث كما وصل إلى علمي, فلا يمكن أن تطلق عليه مهرجان ثانيا: أموال الشعب يا أخي الأولى أن تصرف في ما ينفع الشعب, أما سياسة المهرجانات التي تنهجها الدولة فقد أثبت الواقع فشلها الذريع بدليل تدني المغرب و معانقته للمراتب الدنيا في كل المجالات و أهمها التربية, و دفاعك عن المهرجان له ما يبرره من وجهة نظرك ثالثا: لا يجدر بنا التعامل مع الأنشطة الثقافية باعتبارها مجرد رقص و نقص و استدعاء لفرقة غنائية و السهر معها في جو من التبذل المميت, و أنت تتذكر سهرة إمغران, لقد شوهدت في تلك الليلة يا صاحبي مشاهد يندى لها الجبين, المهرجان -إن نظم- ينبغي أن يجيب عن أسئلة التنمية الحقيقية في المنطقة وأن يقاوم مظاهر التخلف المختلفة رابعا: إقترحت تنظيم المهرجان بطاقات قلت ما ينقصها غير النرخيص, هذا هو مغربنا الحبيب بلاد القانون و لا قانون, في بلادنا هناك طاقات جبارة لا ينقصها غير الضوء الأخضر و ستبدأ التغيير, و لكن... خامسا: أشكرك جزيلا على الموضوع, و فيه نقط أخرى جديرة بالمناقشة لكني أتركها للنقاش بين الأعضاء بارك الله مشاركتك السي أمنار, و أعلم أن هذا أول موضوع أثارني بهذا الشكل ممنون لك أخي
| |
|